موضوع مميز وهام ومن الواقع العملى اللى احنا عايشينه
انا اعتقد ان الحب من على النت زى الحب من خارج النت
يعنى لو انا قابلت واحدة فى الجامعه وحبيتها وحبتنى ليه مش هقول زى ما اتعرفت عليا وحبتنى ممكن تتعرف على غيرى
ولو قابلتها فى فرح صديق او فى اى مناسبة واعجبنا ببعض واتقدمت لخطوبتها ما انا برضه ممكن اقول نفس الكلام
لذلك انا اعتقد ان اى علاقة حب ايا كانت طريقة انشائها فهيا واحدة وتنتهى بتعلق كل قلب بالاخر
والفيصل فى هذا الموضوع هوه كيفية تفاهم الشخصيات مع بعضها وهل مع مرور الوقت اقتنعوا تمام الاقتناع بحبهم لبعض
ثانيا ودا الاهم من وجهة نظرى لو انا بلعب على البنت مش هتقدم للارتباط بيها رسمى ولو هيا بتلعب عليا مش هتوافق انى اتقدم للارتباط بيها رسمى
لذلك لكل حاجة ملامح ومعالم بتبان من قبلها
ثالثا : لو انا هرتبط بشخصية من على النت مش هاجى فى لحظة واتجوزها لا طبعا هيبقى فى كلام وهشوفها واثق تماما انها الانسانة المناسبة وهيا كمان لازم تثق ان انا الشخص المناسب ليها
وانا معاكى نشوف اراء باقى الاعضاء
ومشكورة يا رزان على الموضوع ده

موضوع خطير يارزان...لان بنشوفه كتير في عصر العولمه

ومن وجهة نظري....الانسان متى ماكان صادقا مع نفسه وربه وغيره.....ربنا حيبارك له في حياته ويوفقه لما يحبه ويرضى وينجح في علاقاته مع الناس

اما الانسان الغير صادق مع نفسه...مش صادق مع ربه ولا مع غيره...فتشوفينه عايش حياته كلها لعب في لعب ونفاق وحياة تعيسه ليس له هدف واضح...ولم يذق طعم السعاده الحقيقيه في ايمانه بربه وعبادته



هذا هو الفرق....سواء كانت العلاقه العاطفيه في النت او غيرها من الوسائل ...!


ارجو ان اكون واضحه بكلامي ولم اقصد بها اي شخصيه....لأني بحترم واقدر كل ابناء العلاميه وبعتبرهم اخواني في الاسلام
ونشوف راي باقي احبابنا الاعضاء في الموضوع ؟!!