العيب علينا و فينا و لا دى غلطة مين ؟!؟

من طرف **sozi_star** السبت 24 يناير 2009, 3:55 am

:هلا والله :

يمكن تستغربوا من العنوان اللى انا كتباه

بس اذا عرف السبب بطل العجب

طبعا العنوان جزء من اغنيه مسلسل قضيه راى عام اللى كلنا تابعناه و حبيناه

بس انا مش هتكلم عن القضيه اللى ناقشاها المسلسل مع انها مهمه اوى

هتكلم عن قضيه اهم و فعلا تستحق تكون قضيه راى عام

الهجره غير الشرعيه

تخيلوا لما واحد يلم توحيشه عمره و دهب امه و ما فيش مانع من مصروف بيت

اخته برضه عشان يسافر لبلد تانه يشتغل فيها و يا ريته بيسافر بطريقه صح ده

للاسف بيخاطر بكل دول و فوقهم حياته يا ترى ايه اللى ممكن يدفعنا لده طب و ليه

الفلوس اللى جمعها دى بدل ما يسافر بيها يحاول يفتح مشروع صغير .

و على فكرة الموضوع ده مش على مستوى مصر بس

ده للاسف على مستوى العالم العربى كله

فى تونس مثلا فى المطار اكتشفوا واحد مستخبى فى شنطه سفر اخوه

اللى سافر فرنسا و رجع كانز فلوس قد كده و لما عرف انه اخوه راجع تانى قرر يستخبى فى شنطه

السفر.طبعا شكله كان مهيس او شارب حاجه لانه اساسا هينكشف فى تفتيش الشنط

و ليبيا برضه فيها نفس المشكله

. طب لو الدول اللى بنهاجر لها محتاجه فعلا عماله ليه ما تعملش اتفاقيه معانا عشان

نسفر الشباب بشكل شرعى ؟!؟

بامانه انا محتاره و يا ريت الكل يتناقش و مستنيه ردودكوا العسل

من طرف **الإمبراطور** السبت 24 يناير 2009, 8:20 am

بالفعل هذه قضية هامة ومشكلة كبيرة يجب اننا نناقشها
مشكووووووورة على طرح الموضوع

من طرف **طائر الغرام** السبت 24 يناير 2009, 8:30 am

المشكلة يا سارة ان بلدنا مبقتش قادرة على طلابتنا واحتياجتنا . واحنا
بطبعنا شعب طموح بنبقى نايمين على السرير وبنتخيل العربية والفيلا
والسكرتير الخاص . وللاسف بنتفاجئ بالحقيقة المرة لما بنفوق . ولما بنشوف
حد راجع من بره ومعاه قرشين وييجى ياخد البنت اللى بحبها بكل بساطة كده
علشان معاه ثمن الشبكة والشقة . بيتولد جوانا طاقة وتحدى غريب اننا لازم
نسافر ونعمل زى الناس بصرف النظر ان ده بشكل شرعى او لأ . ودايما الكلمة
الشهيرة لكل الشباب . ينعيش عيشة فل يا نموت احنا الكل . او
ياااااااااااعم ضربوا الاعور على عينه قال ما هى خربانة خربانة . يعنى
الشباب مبقتش مستعدة انها تفضل فى الفقر كده على طول وبيقولوا الخسارة
القريبة احسن من المكسب البعيد . وربنا يوفق الجميع وانا متابع معاكى
القضية يا سارة . ومشكورة بجد لانه موضوع هام وحيوى ومن واقع الحياة
اليومية لينا .
مودى

من طرف **sozi_star** الجمعة 13 فبراير 2009, 3:10 am

اولا انا اسفة اوى على غيابى عنكم

بس و الله مش بقصدى

للاسف مطحونة لان الحفلة قربت و كل يوم بروفات و برجع نفسى احضن السرير

تانى حاجة

منورنى اوى يا الامبراطور و احمد

و فعلا يا احمد عندك حق

و الموضوع محتاج كلام بجد

و يا ريت كله يشارك و يقولنا رايه

العيب علينا و فينا و لا دى غلطة مين ؟!؟

العيب علينا و فينا و لا دى غلطة مين ؟!؟

رد: العيب علينا و فينا و لا دى غلطة مين ؟!؟

رد: العيب علينا و فينا و لا دى غلطة مين ؟!؟

رد: العيب علينا و فينا و لا دى غلطة مين ؟!؟