كلام صعب وخطير

من طرف **Dr.Rona** الجمعة 26 يونيو 2009, 4:12 am

‎

:salmo:

كلام صعب وخطير

في بنات ممكن تضايق منه
بس لازم نقوله عشان ربنا يهدينا جميعاً

احنا بنسمع ان شباب بيقولوا يا بنات ارحمونا تعبنا
لبسكم مستفذ لينا
شكلكم حلو مش مخلينا نغض بصرنا
لبسكم محترم بس جميل ومغري لينا
بيخلينا نبص عليكم

طيب ده في الشارع
فما بالكم بقى في النت

عن أبي الأحوص عن عبد الله
عن النبي صلى الله عليه وسلم قال المرأة عورة فإذا خرجت استشرفها الشيطان

واستشرفها الشيطان : اي زينها في عيون الشباب والرجال

أي
زينها في نظر الرجال وقيل أي نظر إليها ليغويها ويغوي بها . والأصل في
الاستشراف رفع البصر للنظر إلى الشيء وبسط الكف فوق الحاجب والمعنى أن
المرأة يستقبح بروزها وظهورها فإذا خرجت أمعن النظر إليها ليغويها بغيرها
, ويغوي غيرها بها ليوقعهما أو أحدهما في الفتنة . أو يريد بالشيطان شيطان
الإنس من أهل الفسق سماه به على التشبيه

**************************
ايه ده
يعني انتي بتاخدي ذنب كبير لما بتحطي صورك على النت

آه

طيب انا محجبة
والناس بتشوفني كده في الشارع

في الشارع : سعات البنت بتبقى لابسة لبس محترم ومايلفتش النظر
فما بالك ع الفيس بوك صوك منورة 24 ساعة
صورة وشك ومعالمة موجودة
وياريت على وشك

في بعض الصور فيها الجسم كله بيبقى باين

************************
ايه علاقة الصور بكل ده وبالحديث الأول
استشرفها الشيطان

اذا كان الشيطان بيزين المرأة في عيون الرجال في الشارع
فما بالك وهو مستفرض بصورتك
فما بالك وصورتك قدامة 24 ساعة

شايفك
وشايف اصحابك
عمال يدقق النظر
عمال يملي عينه
عمال يشيل ذنوب
وانتي عمالة تشيلي ذنوب عشان انتي ساعدتيه على كده

***********************
في واحدة حتقول في حاجة اسمها امان
pivacy
هنقولها مافيش حاجة مضمونة

في شباب بتعمل اكونتات باسامي بنات
وفي بنات بتعمل شير للصور من عند صاحبتها و
share
ده كل الناس بتقدر تبص وتشوف على الحاجة المتشيرة

فما بالك لو اللي عمل شيل عدد اصدقائه الف او اكثر او اقل

انتي مش حمل الذنوب دي كلها
انتي في غنى عنها

النت المفروض معمول عشان نستفاد منه
مش عشان نغضب ربنا بيه ونساعد غيرنا انه يشيل ذنوب بسببنا

************************

طيب وايه المطلوب
تشيلي صورك كلها فوراً
وتحتفظي بيها لنفسك على الكمبيوتر بتاعك

عشان
في احتمال كبير حتى لو انتي عاملة امان حد يعمل هاك واذا وشك عاجبه ممكن
يركب صورتك على صورة كده او كده وبيثها على النت وتبقى مصيبة المصايب

شيلي كل صورك
عشان خاطر ربنا
عشان خاطر الشيطان مايزينهاش في عيون واحد

وياريته ذنب واحد ع البصة الواحدة
ماحدش عارف الذنوب بتتحسب ازاي
لان في واحد ممكن يبص على حاجة حرام عليه يبص عليها لمدة دقيقة وفي واحد هيبص 5 دقايق
فهل الذنب اللي هيشيله اللي بص دقيقة زي اللي بص خمسة؟؟؟

لأ طبعاً كل واحد بيشيل بقدر ذنبه

فشيلي صورك
وكمان
اي صورة ممثلة او ممثل
لانك ممكن ماتكونيش حاطة صورة ليكي بس حاطة صورة لممثلة او ممثلة فتثيري شهوة عند اي انسان يشوف الممثلة دي او الممثل ده

ويتفرجله على افلام وتكوني سبب انك فاتحتله باب معصية جديد
خصوصا لما يكون فنان او فنانة اغراء

وكمان صور الممثلين بتشد البنات ممكن يكون اصجابك او غير اصحابك

زي ما الراجل بيتشد للست الست بتتشد للراجل دي فطرة خلقها ربنا فينا
بس حجمها بغض البصر والزواج عشان الانسان مايقعش في الحرام

حطي صورة لطفل او رسومات كارتون او مناظر طبيعية اذا كنتي عايزة تحطي

وربنا يهدينا جميعاً
وتأكدي انك اول ما تشيلي صورك والصور التانية سواء لممثل او ممثلة او مطرب او مطربة

ربنا هيكرمك اخر كرم
وهيبدل السيئات اللي انتي شيلتيها من يوم ما حطيتي الصور دي حسنات

لانك لما بتشيليهم كانك توبتي وبتسغفري ربنا وبتعملي عمل صالح
ف ربنا بيكافئك بانه هيغفرلك بإذن الله

قال رب العباد
إِلَّا
مَنْ تَابَ وَآمَنَ وَعَمِلَ عَمَلًا صَالِحًا فَأُوْلَئِكَ يُبَدِّلُ
اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا

منقول
ونرجوا نقله على النت
وجزاكم الله خيراً

:شكرا:

من طرف **H@MDY10** الجمعة 26 يونيو 2009, 10:14 am

من طرف **صمت الكلام** الجمعة 26 يونيو 2009, 10:22 am

فعلا كلام خطير
وياريت الكل يستفيد منه
بشكرك رونا على مواضيعك القيمة والمفيدة
تقبلى مرورى وفائق احترامى

من طرف **رفيق الحزن** الجمعة 26 يونيو 2009, 10:57 am

فعلا اختي رونا موضوع رائع وهادف جدا
وبجد بشكرك علي طرح الموضوع ده لانوا فعلا خطير جدا وياريت كل البنات تعمل بيه

تقبلي تحياتي ودمتي متألقة في سماء ابناء العلامية بموضوعاتك الهادفة