اضف موقعك في دليل المواقع
يمكنك إشهار موقعك أو مدونتك أو منتداك وتحقيق باك لينك قوي وزيارات لموقعك عن طريق إضافة موقعك إلى أكبر دليل مواقع مجاني في الوطن العربي
ابحث في Google
دخول
تابعنا على الفيسبوك
أقســام المنتدى
الأقسام الرئيسية للمنتدى:
-----------------------
مراسلة الإدارة :
المواضيع الأخيرة
المواضيع الأكثر شعبية
تخيلوا ايه اللي حصل معايا النهارده الصبح
صفحة 1 من اصل 1 • شاطر
تخيلوا ايه اللي حصل معايا النهارده الصبح
والله العظيم .. والله العظيم .. الكلام المكتوب دة كله مش بجد .. ولا بحق وحقيقي ، وإحنا بنحب البلد .. والحكومة بتاعتنا أجدع ناس .. وتعيش مصر حرة مستقلة .. وبلادي بلادي لكي حبي وفؤادي .. وتعظيم سلام لضباط البوليس .. وربنا يستر .. ----------------------------- دق المنبه إلى جواري في إلحاح عجيب .. لينزع عني أحلى نومة بمنتهى السهولة .. بحثت عنه وأنا أمد يدي في كل مكان ولا أستطيع أن أفتح عيني .. ها هو .. أغلقت زر الصوت .. حاولت أن أقوم .. نزعت عني الغطاء .. وامتلأت رأسي بصورة ليوم جديد .. ونموذج جديد من العذاب اليومي المتكرر .. حيث قررت البحث عن وظيفة جانب الدراسة تعينني على أعباء الحياة .. تصورت زحام المواصلات .. اللف والدوران .. شركات الأمن .. شركات النظافة .. المطاعم .. المستشفيات .. فرن العيش .. أقسام البوليس .. سوق الخضار .. لأعود بعد رحلة عذاب ورجلي وارمة ودماغي مصدّعة ونفسيتي مدمرة .. ارتديت ملابسي ونزلت .. وقفت في المحطة أنتظر الأتوبيس .. حدث شيء عجيب فعلا .. وقف الأتوبيس أمامي مباشرة .. ولكن ترددت أن أركب .. لأنني لم أتعود أن أرى أتوبيسا بهذه النظافة .. وفي نفس الوقت ( مش حتصدقوني ) فاضي .. فاااااضي .. طيب نظيف ماشي .. لكن فاضي ؟! لأ .. مش ممكن .. قطع تفكيري صوت شاب انيق وهو يقول : - حضرتك حتركب معانا ؟ سألته بعد ما صعدت : - هو حضرتك مين ؟ - أنا في خدمتك يا فندم تقدمني الشاب وهو يشير إلى أحد الكراسي ( النظيفة برضه ) وهو يقول : - تفضل هنا يا فندم نظرت إلى الكرسي وأنا مصدوم ؛ لأني عمري في حياتي ما فكرت ولا حلمت ولا تخيلت ولا تصورت ولا .... إني حعد على كرسي في أتوبيس .. جلست على الكرسي .. وفجأة سمعت صوت السائق وهو يتحدث في الميكروفون بأدب شديد : - حضرات الركاب .. حضرات الركاب .. والله العظيم إحنا آسفين عشان التكييف بايظ .. والله حيتصلح النهاردة .. والله لتسامحونا .. معلش يا جماعة محدش يزعل مننا بعد دقائق وصلت لمحطة (مكتب العمل) .. وأهو الواحد بيعمل اللي عليه .. يمكن نلاقي شغل .. نظرت إلى المكتب مبنى عملاق .. واجهته كلها رخام في رخام .. وعلى أرضية المدخل مشاية حمراء من السجاد النضيف، ويافطة مكتوب عليها بحروف ذهبية (مكتب العمل) .. دخلت إلى المبنى .. أنظر يميني ويساري .. أجد يافطات مكتوب عليها شعار المكتب : ( من النهاردة مفيش طوابير .. ولا انتظار ولا تأخير ) وأخرى مكتوب عليها : ( ممنوع منعا باتا الرشاوي والقهوة وحلاوة البق .. لعدم الإحراج ) اتجهت وأنا أعيش حالة من الذهول والوهم إلى أحد المكاتب .. ابتسم لي الموظف ابتسامة لطيفة قائلا : - تحت أمرك يا فندم - أنا ؟! .. أنا .. بدور على وظيفة .. ومش مهم .. أي وظيفة ابتسم ابتسامة أكثر لطفا : - مؤهلك إيه ؟ - أنا لسة طالب في الكلية اتجه إلى الكمبيوتر، وكتب عليه بعض الكلمات في سرعة .. ثم ضغط على زر "انتر" في حركة مسرحية .. ثم استدار قائلا : - مشرف على مشروع إسكان الشباب .. مرتب 2500 جنيه شهريا ؟؟ - مين ؟ أنا ؟ بتتكلم جد ؟ طب قول والله كدة شعرت بأن كل شيء حولي مجنون .. مجنوون .. سقت الجنون .. وياللا أهو جنون بجنون .. وأنا أصلا مجنون .. وزعقت بأعلى صوتي : - اللي بيحصل دة تهريج .. 2500 جنيه بس .. أنا عاوز أقابل الوزيرة ابتسم الموظف ابتسامة أخرى .. وضغط أزرار التليفون .. ليجيب عامل السويتش .. ثم يقول الموظف له بمنتهى البساطة : - وزيرة القوى العاملة من فضلك أعطاني السماعة وهو يبتسم .. لم أعرف ماذا أقول .. وجدت صوتا يجيبني في منتهى اللطف : - أيوة يا ابني .. تحت أمرك قلت بقى أكمل الدور .. ما هي خربانة خربانة : - إزاي حضرتك يبقى مرتبي 2500 جنيه بس ؟ .. ما كنتش اتعلمت أحسن - يا ابني تقدر تقابلني في المكتب النهاردة من 11 لـ 11:30 .. أنا مستنياك .. اوعى تتأخر .. مع السلامة طلعت من المكتب أجري في الشارع .. أبحث عن راديو .. جورنال .. أي حاجة تثبت إن أنا في مصر .. هداني الطريق إلى قهوة فيها تليفزيون .. قلت: بس .. دخلت ع الناس القاعدين .. وقلتلهم: شغلوا القناة الأولى يا جدعان .. عايز أعرف أنا فين - ما هي دي القناة الأولي يا كابتن .. - مش حتصدقوا لقيت إيه .. لقيت المذيع بيقول: أيها السادة المواطنون .. تعلن وزارة الإسكان عن وجود شقق للشباب .. بالتقسيط .. بالتقسيط المريح كمان .. اسكن وبعدين ادفع .. والمفاجأة إن اللي حياخد شقتين حياخد عليهم واحدة هدية .. يا نهار أبيض .. مش معقول .. مصدقتش نفسي .. جريت في الشارع وأنا أصرخ : - جرى إيييه يا بلد ؟! .. هو إيه اللي بيحصل دة ؟ أنا .. أنا فين يا جدعان ؟ .. ولا انتي فين يا مصر ؟ .. حد شاف مصر يا ناس ؟ أوقفني ضابط الشرطة .. سألني : - هو فيه حاجة مضايقاك يا أستاذ ؟ نظرت إلى النسور والسيوف اللي متعلقة على كتفه وسألته : - هو حضرتك بتكلمني ؟ - أيوة .. أنا ضابط شرطة ودة إثبات شخصيتي .. اتفضل حضرتك افحصه فتحت فمي على آخره .. وبرقت بعيني و معرفتش أقول إيه فقال : - لو حضرتك رايح مكان .. أنا ممكن أوصلك طبعا المفروض أندهش .. لكن أنا اندهشت بما فيه الكفاية النهاردة !! |
ENG.N0Na- نخبة 4U Like
- الجنس :
البلد :
الابراج :
تاريخ التسجيل : 02/02/2009
عدد المشاركات : 1856
نقاط نشاطك الفعلي بالموقع : 8030
نقاط التقدير للمشاركات المتميزة : 15
رد: تخيلوا ايه اللي حصل معايا النهارده الصبح
أيه يا انس محنا كنا ماشيين حلو حنرجع للــــ تانى ولا ايه
على فكرة انت بس عشان مش عايش فى مصر شايفها كده بس انزل وعيش فيها
وياريت تقلى انت بتشترى رغيف الخبز فى قطر بكام ؟؟؟؟؟؟؟؟؟؟؟؟؟؟؟؟؟؟؟؟؟؟
منتظر ردك
على فكرة انت بس عشان مش عايش فى مصر شايفها كده بس انزل وعيش فيها
وياريت تقلى انت بتشترى رغيف الخبز فى قطر بكام ؟؟؟؟؟؟؟؟؟؟؟؟؟؟؟؟؟؟؟؟؟؟
منتظر ردك
الباشا- عضو مميز
- الجنس :
البلد :
الابراج :
الأوسمــة :
تاريخ التسجيل : 23/12/2008
عدد المشاركات : 498
نقاط نشاطك الفعلي بالموقع : 6930
نقاط التقدير للمشاركات المتميزة : 8
رد: تخيلوا ايه اللي حصل معايا النهارده الصبح
هههههههههههههههههههههههه
مشكورة نونا وفعلا انا كنت نايم
اما الباشا على فكرة انا عايش في مصر لانو جامعتي في مصر
صحيح انا اقامتي في قطر لكن سنوات التعليم الجامعي اقضيها في مصر
وبعدين انت بتحسسني ان الحياة هنا لونها بمبي
امال ليه الناس هنا طافحة الدم
في قطر كيس الخير بريالين
لكن الراتب عالي
اما مصر مفيش راتب والعيش معدني يعني بمسامير
هههههههههههه
مشكورة نونا وفعلا انا كنت نايم
اما الباشا على فكرة انا عايش في مصر لانو جامعتي في مصر
صحيح انا اقامتي في قطر لكن سنوات التعليم الجامعي اقضيها في مصر
وبعدين انت بتحسسني ان الحياة هنا لونها بمبي
امال ليه الناس هنا طافحة الدم
في قطر كيس الخير بريالين
لكن الراتب عالي
اما مصر مفيش راتب والعيش معدني يعني بمسامير
هههههههههههه
رد: تخيلوا ايه اللي حصل معايا النهارده الصبح
مشكور أنس على الحلم الجميل ده
اتمنى انه يكون واقع ملموس
ربنا قادر على كل شيء
واحب ارد على الباشا ان اكيد الوضع صعب في مصر
دي حقيقة واضحة للجميع والدليل على كده اننا كل الشباب بتدور على فرصة للعمل خارج مصر
واكبر دليل انا وانت وغيرنا من الشباب اللي ما لقت حظها في بلدها
واضطرت للغربة علشان تحقيق الذات وإلا ما كنا اتغربنا وبعدنا ان اهلاينا
مش كده ولا إيه
تقبلوا تحياتي
اتمنى انه يكون واقع ملموس
ربنا قادر على كل شيء
واحب ارد على الباشا ان اكيد الوضع صعب في مصر
دي حقيقة واضحة للجميع والدليل على كده اننا كل الشباب بتدور على فرصة للعمل خارج مصر
واكبر دليل انا وانت وغيرنا من الشباب اللي ما لقت حظها في بلدها
واضطرت للغربة علشان تحقيق الذات وإلا ما كنا اتغربنا وبعدنا ان اهلاينا
مش كده ولا إيه
تقبلوا تحياتي
رد: تخيلوا ايه اللي حصل معايا النهارده الصبح
مشكووووووووور
مسيو حمدي
بس انا مكملتش القصة
روح الجامعة(xxx) لاني صحيت على صوت ابويا وهو بيقول : ( قوم يابن ال
مسيو حمدي
بس انا مكملتش القصة
روح الجامعة(xxx) لاني صحيت على صوت ابويا وهو بيقول : ( قوم يابن ال
رد: تخيلوا ايه اللي حصل معايا النهارده الصبح
بجد حلم جامد يااااااااااااااااااه
تخيل _تصور
بس ان شاء الله تحصل المعجزه اللي كلنا بنستناها
مشكووووووووووووووووووور انس
تخيل _تصور
بس ان شاء الله تحصل المعجزه اللي كلنا بنستناها
مشكووووووووووووووووووور انس
الوتر الحزين- كبار شخصيات 4U Like
- الجنس :
البلد :
الابراج :
الأوسمــة :
تاريخ التسجيل : 09/01/2009
عدد المشاركات : 4757
نقاط نشاطك الفعلي بالموقع : 10384
نقاط التقدير للمشاركات المتميزة : 21
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الجمعة 25 فبراير 2022, 4:42 am من طرف mahmoud adel
» حصريا مسلسل العنكبوت للرائع احمد عبد العزيز والجميلة نرمين الفقي 32 حلقة بجودة عالية
الأحد 27 يونيو 2021, 7:32 pm من طرف Mohamed Ez
» اختبر ذكاء طفلك تحميل لعبة خمن واربح المفيدة للأطفال لأجهزة الأندرويد
الأربعاء 18 ديسمبر 2019, 9:38 am من طرف H@MDY10
» فيسبوك تطلق تطبيق جديد لحماية ومراقبة الأطفال.. كل ما تود معرفته عن تطبيق Messenger Kids للأطفال!
الخميس 07 ديسمبر 2017, 1:02 pm من طرف H@MDY10
» إطلاق أول هاتف ذكي مصري في الأسواق من SICO إليكم المواصفات والأسعار
الإثنين 04 ديسمبر 2017, 10:42 pm من طرف H@MDY10
» شاهد جميع القنوات والباقات المشفرة والمفتوحة بأسعار رمزية على هذا السيرفر القوي IP TV - الباقات والأسعار
الإثنين 04 ديسمبر 2017, 10:49 am من طرف H@MDY10
» البث المباشر لحفل إجراء قرعة كأس العالم 2018 بروسيا وطريقة إجرائها
الجمعة 01 ديسمبر 2017, 3:22 pm من طرف H@MDY10
» إذا كنت تنوي شراء آيفون X - تعرّف على أبرز عيوب الآيفون اكس!
الأربعاء 29 نوفمبر 2017, 1:50 pm من طرف H@MDY10
» مواصفات وأسعار هواتف Mate 10 و Mate 10 Pro الجديدة من هواوي
الخميس 19 أكتوبر 2017, 9:20 am من طرف H@MDY10
» أفضل موقع لربح الأموال من اختصار الروابط بأعلى عائد أرباح في العالم - موقع كت-فلاي Cut-Fly
الأحد 06 أغسطس 2017, 9:16 am من طرف H@MDY10