انا بقه هحكيلكو على ملوخيه انا عملتها هنا في الكويت بس طلعت جامده ناااااااار
هتجيبي الملوخيه من جمعية الفروانيه او اي جمعيه هنا في الكويت
واحده تسألني اشمعنه الكويت ؟
شؤال وجيه والاجابه سهله لان الملوخيه اللي انا عملتها جبتها من جمعية الفروانيه وعلشان الملوخيه بتاعتك تطلع زيها يبقى لازم يكون السورس واحد
المهم مش عايز مقاطعه علشان الموخيه متتحرقش
وهتجيبي كمان مكعب مرقه بس لحم مش دجاج
وكمان فلفل اسود وملح وياحبذا لو عندك شوية شربه جامدين وشوية جنزبيل
ركزي معايا لو سمحتي محدش يكلم اللي جنبه
قشري فصين توم وخرخطيهم وقليهم في شوية زيت لحد ما يحمرو زي فانلة الاهلي
وبعدين حطي الملوخيه والشوربه ولو مفيش شوربه حطي شوية ميه والمكعب
واحده تانيه غير الاولانيه تسالني برده النسب ازاي
اقولها لا فتكه وحدقه يا بت
النسب يا روحي انتي اللي تحدديها عايزاها خفيفه ماشي تقيله ماشي يعني براحتك
المهم اما تغلي الملوخيه حطي الفلفل والتوابل اللي انتي عايزاها براحتك
بس الملح اصبري عليه شويه
لما تقرب من السوى حطي الملح و طفي عليها وادعيلي
ايه رايك بقهطبعا الجيران هيشمو الريحه ابقي ابعتيلهم طبق
وبالهناء والشفاء وعلي راي اخواننا العرب "صحتين" او اربعه
مع تحيات الشيف المهندس عمووور
وعلى فكره اول واخر مره اطبخ فيها في حياتي

:مشكور حبيبي: ولله على كلامك دا حابا اعرف دي الملوخية طعمها ازاي يكون راح جربها

يا اخواني الاعزاء الكرام
انا بشكركم على الردود الجميله دي وعموما الملوخيه دي كانت مره وراحت لحلها وربنا طلعني منها على خير

عموما محدش يعرف قيمة الاكل ده الا الاسكندرانيه بس لانهم اساتذه في المطابخ - اه زيي كده - بشكركم

اخواني الاعزاء احب اقولكم اني شاركت بطبخة الملوخيه دي في المطبخ الماليزي بحكم ان السفاره الماليزيه في مصر معظمهم اصحابي
فوجئت ان كل اللي ياكلها كان بيعيط ويضحك في نفس الوقت مش عارف ليه بس كانت مع الحلويات المشطشطه بتاعتهم ملهاش حل وخصوصا لما تحلي بمشروب الباندونج الشهير بتاعهم

حمدي المصري كمان خطير في طبخ البازلاء
بصراحه عمل حله جامده من فتره كده كان كل اللي ياكل منها ينام علطول

ياجماعة والله الطبخة دى حلوة

اشكرك يا رامي على التفاؤل بتاعك ده
لو انت جربتها ياريت تقولي طعمها ايه
ههههههههههههههههههههههههه

يا جماعه والله خبرتي دي مجتش من فراخ اقصد فراغ
واوعدكم ان المطبخ بتاعي لا يخلو من الاكلات المثيره والخطيره اوي اوي
مع تحيات مهندس عمووور