أسرار يجب أن تُعرَّف عن الكمبيوتر

السلام عليكم ورحمة الله وبركاته

============
أحبتي في الله

أود أن أقدم لكم مجموعة من الأسرار التي قلما يعرفها أحد

وهي معظم الناس يتداولها بطرقة خاطئة في الفهم والاستعمال .


============


أود أن أقول :

معظمنا فاكر الكمبيوتر ده شيء غريب وعبقري وبيخاف جداً أنه يدخل الملف ده علشان هو ميعرفش ولما تجيله رسالة يتضايق منها وكده ..... لا لا لا ..... المفروض أنت الكمبيوتر ده بتاعك مش أنت اللي بتاعه يعني هو المفروض يخاف منك مش العكس . وعلشان تتعلم الكمبيوتر صح لازم تتعب ومتخافش خالص . أكبر حاجة هتبوظ منك إيه ؟ الويندوز ... نزل واحد تاني لو باظ . بس .


أنا عن نفسي الجهاز بتاعي بكون عاطيله حقه في سرعته وبرامجه وكل شيء يحتاجه علشان لما يهنج ميكونش له حجة .


====================

أول خطأ

تلاقي واحد مننا شغال ريفريش******* أو f5 وفاكر كده إن الجهاز بيتقل ...........
لآ كده أكبر غلط ومش ببالغ لأن الأمر ريفريش مش شغلته إن هو يتقل الجاهز ، لكن شغلته ( خلي بالك ) بيشوف التغير الكبير اللي حصل .. بمعني لو مثلاُ أخفينا ملف ما هيظل حوالي 30 ثانية لما يختفي من غير منعمل ريفريش
لكن لو عملنا ريفريش هيختفي بعدما ندي الأمر . فمن هنا نعرف إن الأمر دريفريش بياخد مساحة وسرعة من الرامات والبروسيسور وهما دول المسئولين عن السرعة .... وفي الآخر نقول الغلط على النسخة أو الجهاز .

===============

تاني غلط
تلاقي الواحد مننا يفتح الجهاز وهاتك يا شغل .............
ده بقي غلط كبيييييييير ولو الجهاز كان بيتكلم كان يقولك اصبر يا أخي لسه بحمل ملفاااااااااات .
ولو حضرتم عرفت ثقل الملقات دي على الكمبيوتر في بدايته كأنك بالضبط وأنت صاحي من النوم واحد بيقولك شيل المكتب ده طلعه الدور الثاني ، من غير ما تغسل وشك ولا حتى أي شيء .
فالمفروض تغسل وشك الكمبيوتر ( إزاي ؟ ) تسيبه حوالي 5 أو 10 دقائق بعد ما تفتح تسيبه يحمل مع نفسه .


==============

ثالث غلط

تلاقي الواحد حاطط على سطح المكتب حوالي 50 اختصار ويجي 50 ملف ويقولك النسخة دي وحشة ...
لأ ده أنت اللي وِحش ...
المفروض تجمع الاختصارات في ملف معين على سطح المكتب . لأن الجهاز بيتعب في تتبع هذه الاختصارات .


==============

أســألكم الدعــاء

وبإذن الله غداً كمان شوية معلومات علشان أخش على التقيل بإذن الله

ونتعلم حقيقة الكمبيوتر وإزاي نتعامل معاه .

=====================================
السلام عليكم ورحمة الله وبركاته

الدرس الثاني : درس يوم الجمعة ( 30 ذو القعدة 1429 / 28 نوفمبر 2008 )


بعد حمد الله والصلاة على سيدنا محمد

أود أن أذكر نفسي وإياكم بصيام التسع من ذي الحجة وكثرة العمل الصالح ولا تنسوا الدعاؤ لي ولكم وللأمة بالخير

بسم الله نبدأ

تكلمنا في الدرس السابق عن كيفية التعامل مع الحاسب الآلي

في هذا الدرس سنتعرف على الكمبيوتر بطريقة صحيحة

=====
الكمبيوتر يتكون من شيئان كلنا نعرفهم وهم ( hardware ) اللي هي الأجزاء الصلبة زي الهارد والرامة يعني اي حاجة ممكن ألمسها . ومنها ما هو أساسي ومنها ما هو غير أساسي
والشيء الثاني اللي هو ( Software) اللي هي البيانات أو البرمجيات .

واستحالة يتشغل الجهاز من غير واحد فيهم يعني مينفعش يكون عندك برنامج ( Yahoo ) وأنت أصلاً معندكش هارد أو رامة أو أي هاردوير أساسي ، وبرده مينفعش يكون عندك هارد ورامة أو أي مكون أساسي وأنت معندكش نظام تشغيل ( OS) .

وفيه حاجات مهمة في تشغيل الحاسب بس مبتدخلش في تصنيفه زي الإنسان مصدر للطاقة والجو المناسب .. يعني مينفعش الكمبيوتر يشغل نفسه ويقوم فاتح برنامج معين لوحده إلا بأمر من الإنسان ، أو أشغل الكمبيوتر من غير مصدر طاقة سواء كانت كهرباء أو شيء كان ، ومينفعش أشغل الكمبيوتر مثلاً تحت البحر لأنه هيبوظ إلا إذا كان مغلف بقي ومعموله cover كويس .

======
العلاقة بين الهاردوير والسوفت وير ...
والسوفت وير هي البيانات الي بتتحكم في الجزء الصلب اللي هو الهارد وير .. يعني استحالة لما يكون عندك مكونات جهاز وتقوللي هشغله من غير اي برنامج أو نظام تشغيل ، أقولك اتق الله وفكر في كلامك .
يعني مثلاً لو عندك هارد ورامة ولوحة أم ( Motherboard) وماوس وكيبورد ومصدر للكهرباء .. دي أشياء أساسية للجهاز هتعمل جهاز .... طيب إيه اللي هيسطر على كل دول هيربطهم ببعض ( اللي هو نظام التشغيل Operating System ) وبيقوله عليه اختصار OS . زي الويندوز Windows أو ماكينتوش Mac أو لينكس Linux أو أي نظام من الأنظمة الموجودة .
وحدش يفكر أن دول من شكرة واحدة لأ كل نظام من شركة
يعني مثلا ميكروسوفت ( صاحبها بيل جيتس ) بيعمل نظام اسمه ويندوز وكلنا عارفينه .
وشركة Apple بتعمل نظام اسمه Apple Mac ( أبل مكنتوش ) وكلنا عارفينه
وشركة Linux بتعمل نظام باسم الشركة

وعلى فكرة بيل جيتس كان يعمل مبرمجاً في شركة Apple إلا أن هذا الشخص سرق معظم البرامج والأفكار وعمل شركة باسم Microsoft .
وهو أغني رجل في العالم ويهتم به القساوسة للتبرع لعمليات التبشير أعاذنا الله .

==============
يُتبَع بإذن الله ........


سبحان الله وبحمده سبحان الله العظيم