كدب الاعلانات

من طرف **eng.TWINS*N&F** الأحد 20 سبتمبر 2009, 7:29 pm

يا ابناء العلاميه
جبت لكم موضوع..واقعي
واغلبنا مر في مثل هذه المواقف

لو بنتفرج على اى حاجه على التلفزيون
نتفرج خمس دقايق وتلاقى ربع ساعه اعلانات
فبنضطر نتابع الى كنا بنتفرج عليه
لانه ممكن يكون برنامج او حاجه مهمه
وبكده غصب عننا بنتابع الاعلانات دى

المهم

نيجى على اعلان لمسحوق غسيل
يحطلك على قماشه بيضا شكولاته عل فراوله على مانجه وعليهم شويه حبر
ويسبهم ساعتين وبعدين يكويهم وينشفهم
تحس انه هيعمل تجربه هياخد عليا نوبل
وفى الاخر يقولك رغم كل البقع دى بنتحدى اى مسحوق تانى انه يقدر يطلع البقع
وينقعلك دى فى مسحوق عادى والتانى فى مسحوق الاعلان
وده يطلع ابيض زى الفل اجدد من الاول
والى بمسحوق عادى تحس ان القماشه بقالها 200 الف سنه متغسلتش
اي مسحوق غسيل ده بيطلع بقعه الحبر ولا المانجه

كدب الاعلانات 21385kvkycveykv

طب تيجى مثلا لمنظف غسيل اطباق
يعملك اعلان فضلوا يصوروا فيه 3 سنين
زى متقول كده الاعلان ده كان عزومه بس ل500 مليون شخص
مش عارفة جابوا الناس دى كلها منين
و500 مليون طبق كانوا بياكلوا فيهم
ويقولك نقطه واحده من بيرل المركز يقضى على الدهون
ويفضل يرصلك بتاع 200 مليون طبق فوق بعض
لا وتحس والله ان الاطباق لسه خارج من المصنع حالاً بيضاااااااااا
انا مش عارفة اي منظف ده الى بنقطه واحده بس يغسل كل الاطباق دى
على كده بقى الازازه لمفروض تقعد 20 سنه قدام

كدب الاعلانات 21385kvkycveykv

عندك اعلان عن الجبنه
يجبلك اتنين قاعدين كده ولد وبنت صغيرين
وفجاه كده سبحان الله يعنى
البنت تاكل حته جبنه تلاقيها كبرت 20 سنه قدام
طب الحمد لله انه كلت حته صغيره لو كانت كلت القطعه كلها
كان زمان بقى عندها 80 سنه

كدب الاعلانات 21385kvkycveykv

نيجى بقى للاهم
اعلانات الجوايز
يقولك افتح خربش الكوبون
هتكسب 50 مليون جنيه او عربيه
ويفضل يغريك بحاجات
وحنا مشكلتنا اننا بينضحك علينا بسرعه اوى..مش كلنا..البعض طبعا
ويقولك جمع الشكل تكسب عربيه
تفضل 20 سنه تشترى
وفى الاخر ربنا يكرمك وتكون جمعتلك يدوبك العجلتين الى ورا
يقولك خلاص المسابقه انتهت
ولو لو لو جمعت الشكل والعربيه
طبعا هتديها للورثه بتوعك
بس مش دى المشكله
المصيبة الكبرى انك تروح بقى تستلم العربيه
يقولك اتفضل ادى العربيه اهى
وانت يغما عليك وتموت
عارف ليه

لأن المسابقه طلعت على عربيه اطفال لعبه

حدد انت بنفسك احنا اية بالظبط عشان نصدق الكلام الهايف دا ونروح على اي سلعة ونشتريها

مهما كانت غاليا ومهما كنا مش محتاجينها بس بنشتريها اصل الاعلان بيقول انها جميله جدا
مش عندنا عقل ولازم نفكر فيه..

اترك الاجابه والتعليق لكم..
تشرفني ارائكم ومواقفكم مع الاعلانات