حمار قام يتفلسف.....ياترى قال ايه؟

من طرف **Dr.Rona** الجمعة 26 يونيو 2009, 4:44 am

:salmo:

‎
مرة قام يتفلسف حمار و يخاطب إبن آدم و يقول له:

عجبي عليك يا ابن آدم يا كبير الدار

قوّمت الدنيا و ما قعدتهاش لما قالولك حمار

ايه يعني اسمي شتيمة و لا جنسي ده عار

خلقني ربي و خلقك و ما حدش بإيده الإختيار

و أنا مهما زاد الحمل فوقي صابر على المشوار

لا بيوم أرفع عيني على جارتي و بصون الجار

و لا بيوم بطلّع على رزق غيري و بطقّ منه و بغار

و لا مهر أدفع لحمارتي و لا خواتم و لا شوار

و لا شقة أحوش لها طول عمرى و لا أجهز دار

و لا مراتى حامل تتوحم عايزة الكافيار

و لا بنت تخرج عن طوعي و تجيب لي العار

و لا ابن يدمن و يهلوس و يقع منهار

عايش بحالي و متهني وليه احتار

باكل و بشرب و أنهق و ما عنديش أسرار

و عندي ابن آدم يخدمني ليل و نهار

اذا جعت يشتري برسيمي بأغلى الأسعار

و اذا مرضت بيعالجني و يدعي الستار

خادم أمين من غير راتب و لا حتى أيجار

عرفت يا بني آدم مين فينا طلع الحمار؟؟

من طرف **H@MDY10** الجمعة 26 يونيو 2009, 10:10 am

موضوع رائع جدا يا دكتورة

سلمت يداك

من طرف **صمت الكلام** الجمعة 26 يونيو 2009, 10:26 am

ولا عندى سياسة ولا انتخابات
ولا اخذ رشوة ولا علاوات
عايش ببساطة ولا فعندى معبر
ولا بيلزمنى جواز ادخل
فى دول وبلاد
دى حاجة من عندى مش
ههههههههههههه
تقبلى مرورى

من طرف **رفيق الحزن** الجمعة 26 يونيو 2009, 10:47 am

شكرا دكتوره للموضوع الهادف
تقبلي تحياتي

من طرف **Dr.Rona** الجمعة 26 يونيو 2009, 6:41 pm

مشكور استاذ حمدى على الرد الكريم
وشكرا يارفيق الحزن
وفعلا يارزان مش محتاج جواز ولامعبر
حياتهم ابسط بكتير وكفايه ان مش عندهم هموم البشر دى كلها
ربنا يعفو عنا جميعا

:la elah ella a