أنا أحفظ .. اذن أنا موجود

من طرف **Anas Hasan** السبت 28 مارس 2009, 11:48 am

للأسف نظام التعليم عندنا عودنا على نظام البصمجية والصم حتى لو الواحد مش فاهم حاجة م اللي بيقوله حتى والله أنا شخصياً في امتحانات MCQ بتاعة تانية اتصالات فيه حاجات حلتها بمنظر الكلمة من غير ما أعرف معناها لحد دلوقتي..ازاي بقى تبقي - زيي كدة - واد صميم؟!

مهارات الحفظ العشرة:

1 - تعرف على النقاط الأساسية في الموضوع وضع خطاً تحتها وكرر قراءتها بحيث تكون مرتبطة بباقي الموضوع.

2 - فهم ما يمكن فهمه من قوانين ومعادلات وقواعد ونظريات قبل الإقدام على حفظها.

3 - الحفظ بالرسوم التوضيحية والتدريب على رسمها مع كتابة البيانات.

4 - التأكد من فهم الدرس بحيث تستطيع الإجابة على الأسئلة الموضوعية المتعلقة به.

5 - محاولة وضع أسئلة على كل جزء ومحاولة معرفة إجابتها الصحيحة.

6 - في المواد التي تحتاج إلى دراسة طويلة مفصلة يفضل تقسيمها إلى وحدات متماسكة كل منها تعبر عن معنى واضح ومرتبطة مع بعضها هذا إلى جانب ارتباطها بالموضوع الأساسي.

7- لا تكن جباناً فتفقد ثقتك في ذاكرتك وستجد انك مع التدريب تستطيع تذكر كل ما حفظته.

8 - عند محاولة الحفظ اجعل فترات الحفظ قصيرة متقطعة.

9 - ضع في اعتبارك قبل بداية الحفظ انك ستسمع ما حفظت بعد الانتهاء منه مما سيعطيك حافزاً أكبر.

10- قبل النوم مباشرة استرجع ما حفظت ولو نقاطه الرئيسية فقط ، فإن الراحة والنوم تساعد على تثبيت المعلومات في الذاكرة جيداً

من طرف **ENG.N0Na** السبت 28 مارس 2009, 11:54 am

مشكور ياانس على الافادة
بس الصورة تحفه
يانهار ابيض
دى البنت مسكينه
حرام

من طرف **Anas Hasan** السبت 28 مارس 2009, 12:12 pm

والله يا هندسة انتي اول واحده عارفة ان الصورة
دي بتتكرر معانا على طول خصوصا طلاب الهندسة
وخصوصا اذا كان تخصصة اتصالات و الكترونيات

من طرف **ENG.N0Na** السبت 28 مارس 2009, 12:15 pm

والله ياباشمهندس
كل التخصصات مش بس اتصالات والكترونيات
وكمان اغلب الكليات
مواد كتير بتتحشر ومالهاش اى لزمة
بس المشكلة الحقيقيه ان مفيش شغل عملى
مفروض الجانب العملى يكون له نصيب من الدراسه دى
بس معلش
لازم نستحمل باه
قدر
مشكور للطرح المفيد

من طرف **Anas Hasan** السبت 28 مارس 2009, 12:48 pm

مفيش عملي بالمرة
بالمرة بالمرة
كله نظري كاننا هنتخرج ندرس مش نشتغل

من طرف **ammoor** السبت 28 مارس 2009, 1:11 pm

بس برده يا انس احمد ربنا انت عارف
انا كنت بعمل تقارير لطلاب هندسه هنا في الكويت بيروحو يا خدو الهندسه في جامعات في انجلترا ب 5000 دينار في سنه واحده وميعرفوش حاجه عن الدراسه اصلا ويتخرجو الاسم منهدس
احنا عندنا احسن الوحشين زي ما بيقولو
وبرده ده في جزء بيعتمد على الطالب نفسه يعني انا اعرف مهندس كويتي هنا بصراحه عبقري انا بتعلم منه حجات كتير
يعني في عوامل بتعتمد علينا وعوامل على نظام التعليم
والواحد بيفكر ازاي يطور نفسه ويكمل النقص اللي عنده
وزي مابيقولو العلم مبيخلصش
ويموت المعلم وهو بيتعلم
اشكرك حبيبي انس

من طرف **Anas Hasan** السبت 28 مارس 2009, 1:15 pm

الف الف شكر على النصايح ياهندسة
وشكرا ليك عشان رفعت معنوياتي قليلا

من طرف **الباشا** السبت 28 مارس 2009, 1:17 pm

فعلا التعليم محتاج إصلاح مش فى مصر بس فى جميع الدول العربيه ولكن بردو الحكومه لوحدها مش مخطئة فى بردو دور كبير على الدارسين الطلاب يعنى
وفى حاجه اسمها أستعداد لتلقى العلم ودى بنفتقدها فى الدول العربيه والإنضباط شىء مش اساسى عندنا فى حياتنا وفى سلبيات كتير محتاجة تغيرر
تقبل مرورى

من طرف **Anas Hasan** السبت 28 مارس 2009, 1:19 pm

مشكور الباشا بس هنا احنا مبنحطش المسؤولية على مين
انا بذكر تجربة بس
بوركت اخي

أنا أحفظ .. اذن أنا موجود

أنا أحفظ .. اذن أنا موجود

رد: أنا أحفظ .. اذن أنا موجود

رد: أنا أحفظ .. اذن أنا موجود

رد: أنا أحفظ .. اذن أنا موجود

رد: أنا أحفظ .. اذن أنا موجود

رد: أنا أحفظ .. اذن أنا موجود

رد: أنا أحفظ .. اذن أنا موجود

رد: أنا أحفظ .. اذن أنا موجود

رد: أنا أحفظ .. اذن أنا موجود