بطالب بإعادة توزيع المشرفين على الأقسام بناء على مجهودات الأعضاء أنا شايف مشرفسين محطوطين شرفيآ بس لبعض الأقسام ومفيهاش مجهود بارز
ثانيآ بطالب بإعاده توزيع الأوسمة لان شايف فيها تحيز وعدم مصداقيه
ثالثآ بطالب بعمل إستفتاء اسبوعى للوحة الشرف وليس إختيار من قبل الإدارة
رابعآ للعضو الحريه التامة فى كتابه اى عدد من المواضيع طالما انه عنده القدرة لذلك
خامسآ لكل عضو الحريه فى ابداء رايه بدون إحراج او تقيد يعنى ميجيش عضو وينقض اى عضو اخر يمر ويقول رايه بدون توجيه نقض لكاتب الموضوع لانى شايف فى اعضاء دمها خفيف كتير فى المنتدى
سادسآ عايز رد عل موضوعى ده
سلام مؤقتآ

بشكرك مرة تانيه يا عاشقه فلسطين بس انا مش بقصدك فى اى حاجه دى وجهة نظر وان شاء الله توصل

والله يا بكومة انت داخل سخن اوى بس بشكل عملى
وانا معاك فى بعض الحاجات يا غالى
معاك ان فى مشرفين غير مفيدين لكن برضه اسمائهم لا تقترب من لوحة الشرف تماما
موضوع الاوسمة انا مش فهمه اساسا ويمكن يكون ليك حق فيه
موضوع الاستفتاء الاسبوعى مش عارف هيغلب عليه المصداقية ولا كل شخص هيرشح المقرب اليه
موضوع حرية كتابة اى عدد من المواضيع حمدى اللى يقرر بقى فيها وانا شايف ان الموضوع فيه مميزات وعيوب
المميزات انها بتتيح الفرصة لمتابعة جميع المواضيع اليومية وقضت على مشكلة ان فى مواضيع بتضيع هباءا بسبب كثرة الكتابة فى قسمها
العيوب ان فى ناس كتير كفيلة بانها تنجح قسم كامل عن طريق مواضيعها اضطرت اسفة انها تحدد مجهودها ونشاطها واستصعبت موضوع انها تكتب اكتر من موضوع فى صفحة واحدة
بالنسبة لموضوع النقض من الاعضاء لا تعليق
مشكور يا بكومة

وجهة نظر بردو الرد فى الاخر بس انا متسرعتش ولا حاجه ودى رايك وبحترمه وليا الحق انى اعترض عليه
منتظر باقى الاعضاء

أخي العزيز بكومة

اولا حمد لله على سلامتك ونورت المنتدى بعودتك

بالنسبة لموضوع المشرفين تم مؤخرا توزيع بعض المشرفين والمراقبين على الأقسام

ومازال حاليا يتم اختيار المشرفين والمراقبين لباقي الأقسام

وتمت الاختيارات بالفعل بناء على نشاط الأعضاء

في الفترة الأخيرة اللي انت كنت غايب فيها عن المنتدى

وتم رفع الإشراف عن الأعضاء اللي قلت مشاركتهم وتفاعلم ووجودهم بالمنتدى

لفترة طويلة وده علشان مفيش حد يقول نفس الكلام اللي انت بتشكي منه

ان فيه مشرفين بالاسم تم اختيارهم شرفيا دون النظر لمجهوداتهم بالمنتدى

ومازال الاختيار جاري وتوزيع المشرفين النهائي لم يتم حتى الآن على أقسام المنتدى

وفيه تقييم شهري بيتم للمشرفين والمراقبين والأعضاء على أساسه بيتم تحديد من يستحق الاشراف

ومن لا يستحق لأن الإشراف والإدارة هي مسئولية وليست منحة او هبه لأحد

ولن تعطى هذه المسئولية إلا لمن يستحقها وجدير بها

فهي أمانة في عنق من يتم اختياره

أما بالنسبة لموضوع الأوسمة هي مجرد تشجيع للأعضاء والمشرفين على نشاطهم بالمنتدى

وهي حاليا في طور التجارب ليس إلا وخلال الفترة القادمة سيتم توزيعها بحساب على من يستحقها


:sasab...;:
:Tahyaty:

أولا بشكر حمدى صاحبى وصديق العمر
ثانيآ كلكم نورتو الموضوع وأنا متسرعتش ولا حاجه بس كل ماهنالك كنت عايز اعرف أخبار المنتدى بسرعه وللاسف أحوال المنتدى معجبتنيش فى سراعات على حاجات تافهه وملهاش لازمه ومجرد ان واحد يحط موضوع مثير للاهتمام الاقى فى ناس بتحب تتفلسف كتير زى مثلا الاخت الى بعتت رسايل على الخاص لبعض الاعضاء ومفكرة انى مش حعرفها برد عليها بردو وبقلها انا لو حبيت اتمنظر مش حتمنظر على حد فى المنتدى هنا لانه منتدى على اد حاله وانا الحمد لله مش محتاج أصلا لان زهقت منظرة شبعت يعنى وانا كل الى يهمنى ان المنتدى يبقى كويس مش اكتر ولا ايه يارامى يارومانسى
وبعدين تلاقى عضو ظريف يا عم حسام يقول اصل المنتدى كله مهندسين ومش عايز اجرح شعور باقى الاعضاء مهندسين مين يابنى هو الى شغال على كمبيوتر بيطبع يبقى مهندس ولا لسه طالب فى إعدادى هندسه يبقى مهندس وايه يعنى اصلا مهندس لو المناصب فيها منظرة يبقى الواحد ميكلمش حد بقى افضل
ربنا يهدى المنتدى وييسر حاله
فى الاخر محدش يزعل منى والى زعلان يكلمنى على الخاص وانا اقنعه بوجهة نظرى

اوكى ياشباب
باب النقاش اتقفل خلاص وياريت ياحمدى تغلق الموضوع عشان الامور متطورش

مغلق للتحسين

واضح ان الاخ بكومة شامم نفسه اوى على البشرية من ساعة ما رجع
ما تخف شوية يا عم بكومة ومن تواضع لله رفعه يا عم
مش لازم تبص لبشرية من فوق اوى كده
انزل انزل بس عاوز اقولك كلمة فى ودنك واهدى شوية على الناس