الدنيا ريشه فى هوا طايرة من غير جناحين

من طرف **أسير الظلام** الأربعاء 11 مارس 2009, 8:38 am

الدُنيا ريشه ف هوا طايره بغير جناحين

أحنا النهارده ســــوا وبكره هنكون فين فى الدُنيـا ف الدُنيـا

ياما ناس بتتقابل من غير معاد يجمع بينهم
وناس بتتحايل على الفـــُراق يـبعد عنهم
ممن ضمُهم بإيــديــه واتفرقوا حـواليه
سـبب لُـقـاهم أيه وكان فراقهم ليــه

الدُنيا ريشه ف هوا طايره بغير جناحين

أحنا النهارده ســــوا وبكره هنكون فين فى الدُنيـا ف الدُنيـا

ياللى بتسـأل عن الحياه خُـدهـا كـده زى مـاهى
فيها ابتســامه وفيها آه فيها آسـيه وحـنيه
يـامـا الحياه فيها اللى بيشــجيها
واللى بيرضيها واللى يقاســيها

الدُنيا ريشه ف هوا طايره بغير جناحين

أحنا النهارده ســــوا وبكره هنكون فين فى الدُنيـا فى الدُنيـا

-----------------
دنيا تدور .. مهما تدور ماهي بتدور سواقينا
ف عطشنا .. ف آلامنا ما بتنساش تداوينا
لينا الحب لينا .. قبل الجراح ما تدق بابنا جينا مادين ايدينا .. اللي يصيبنا آهو من نصيبنا دنيا بتلعب بينا ليه ؟ ايه راح ناخد من ده ايه ؟

الانسان لما بيتحط فى تجربه جديدة عليه خالص بيحس ان الدنيا هتقف وانه مش ممكن هيقدر يمشى فى حياته الجديدة دى وانه دا يما هيكون مفتقد حياته القديمه وانه صعب اوى انه يتأقلم مع ناس جديدة عليه ويبعد عن كل الناس اللى حبهم وعاش معاهم فى حزنهم وفرحهم وقفوا جنبه ووقف جنبهم
بس لما بيتحط فى الفعل ويبتدى الواقع بيحس ان ممكن جدا يحب حياته الجديدة اكتر من حياته القديمه وان زى ما قدر يعمل ناس يحبوا ويحبهم اكيد ممكن يعمل دا فى الدنيا الجديدة دى
واحيانا بيهرب من بعض الذكريات القديمه اللى بتألمه ويتمنى انها مترجعش ابدا
وان كان بيحن احيانا لبعض الذكريات الاخرة الجميله واللى بيفضل عايش بيها
يمكن فى شخصيات من النوع اللى بينتموا اوى للمكان اللى بيبقوا فيه ويحبوه بكل جوارحهم ومن الصعب انهم يتخلوا عنه رغم انه ممكن يكون مش مريح بالنسبه لهم.... وانا من ضمن هؤلاء وبيقى التغير صعب اوى عليه بس نرجع نقول

الدنيا ريشه فى هوا ...طايرة من غير جناحين

احنا النهاردة سوا وبكرة هنكون فين فى الدنيا فى الدنيا

دى سنه الحياه ...الحمد لله على كل ما بيختاره ربنا لينا

من طرف **الإمبراطور** الأربعاء 11 مارس 2009, 8:41 am

مشكور حبيبي أسير الغرام

كلامك جميل ومعانيه رائعه

تقبل مروري

من طرف **طائر الغرام** الأربعاء 11 مارس 2009, 8:49 am

مشكور يا اسير الظلام على الموضوع
وعلى فكرة انت جيت على الجرح
انا رفضت عرض الانتقال لعمل فى مكان تانى وبشكل افضل علشان بس مبعدش عن الناس اللى حبتهم وحبونى
ولسه مش عارف مع الايام هندم على القرار ده ولا هقول الحمد لله انى اتخذته

الدنيا ريشه فى هوا طايرة من غير جناحين

الدنيا ريشه فى هوا طايرة من غير جناحين

رد: الدنيا ريشه فى هوا طايرة من غير جناحين

رد: الدنيا ريشه فى هوا طايرة من غير جناحين