حصريا ألبوم عمرو دياب الجديد 2009 ادخل تحميل روابط مباشرة

من طرف **Anas Hasan** الجمعة 14 أغسطس 2009, 10:15 am

أولا : إمسك أعصابك

لو كنت داخل الموضوع من موقع بحث مثلا وبتدور على الشريط فبالله عليك ما تضايقش واعرف ان ربنا أراد بيك الخير انك تدخل هنا ... ومتقفلش الصفحة واصبر واستنى واقرأ يا عم منتاش خسران حاجة ... والحكاية كلها كام سطر لله يا أخى

لو كنت عضو فى المنتدى وهتقول ايه ياعم المشرف اللى كاتبه ده ... هو الراجل ده حصله ايه ... متخافش احنا مش حاطيين الشريط ولا حاجة

ثانيا : هأجلها لآخر الموضوع ... يلا بقى ندخل فى الموضوع ... يلا أقرأ يا عمونا

شوف يا باشا ... الحكاية ان الآن عدد غفير من شبابنا بيقلب فى النت بيدور على الشريط أو اغنية مسروقة ... وبينتظر اللحظة اللى يدخل يحمل فيها الشريط mp3 high quality ... والأمر ده بيتكرر كل سنة أو سنتين ... واللى فيهم الشريط ده بيتقطع تشغيل لدرجة ان سماعات جهازك نفسها زهقت منه ... مش ده اللى بيحصل ولا أنا غلطان ؟؟؟

طيب بص ... انا مش هقلك تخيل لو انت سمعت فى الوقت ده سور من القرآن مش يمكن تكون حفظتها زي ما حفظت الأغاني دي ... ده غير الحسنات الكتير اللى كنت اخدتها ...

ولا هقولك الأغاني حرام ( ومش معنى كده انها مش حرام وانت عارف من جواك ) لإن انا لما بطلت اسمع اغاني ( ايوا ياعم هو انت فاكرني مولود بلحية ولا إيه ... ربنا يثبتنا ) مبطلتهاش لما عرفت انها حرام ... لا بطلتها لما عرفت أد ايه كلام ربنا حلو .. واد ايه الفايدة اللى بستفادها لما اسمع شريط في الدين او حتى اسمع كلام علمي عن اى موضوع مفيد ... وحسيت ان حياتي ليها طعم جديد وليها قيمة وفايدة ...

أنا هقولك بعد إذن سيادتك بس ... لو ممكن أخد من وقت حضرتك أد وقت مرة تشغيل للشريط ده ... هاخد من وقتك نص ساعة بس أو ساعة ... تدخل هنا وتشوف المواد الموجودة على الرابط ده ... ( وكلها روابط مباشرة ) ... وافتح قلبك ليها ... وزي ما بقلك لو عرفت ربنا وقلبك قرب منه هتعرف لوحدك انت محتاج الشريط ده او غيره ...وهتعرف لوحدك الاغاني حرام ولا لأ .. وصدقني ودي أهم نقطة ... هتعرف أد ايه حياتك ليها قيمة كبيرة جدا جدا جدا ... وإن كل ثانية فيها ليها قيمة كبيرة جدا ... ولازم من الآن تاخد قرارك وتقول راجعلك يارب

ادخل على الرابط التالى

>>>>>> اضغط هنا <<<<<<<

[b]قبل ما ننهي ... انا قلت هقول النقطة التانية فى الآخر وهي انى مكذبتش فى العنوان لان حصريا ( الكلام حصري مش هتلاقيه في مكان تاني ) الألبوم ( اننا هنتكلم عنه هنا يعنى ) تحميل بروابط مباشرة ( وده من خلال الرابط اللى وضعته )

وفى الختام ... دعاء

اللهم
يا تواب يارحيم .. يا ذا العرش المجيد ... يا حي يا قيوم ... اللهم صلى
على سيدنا محمد وعلى آله وصحبه وسلم ... اللهم تب علينا توبة ترضيك عنها
... اللهم اعنا على أنفسنا ... اللهم طهر قلوبنا واجعلها خالصة لك ...
اللهم اعفو عنا واغفر لنا وارحمنا ... اللهم اختم لنا بحسن خاتمه واجعل
قبرنا روضة من رياض الجنة ... وارزقنا رفقة حبيبك محمد صلى الله عليه وسلم
فى أعالي جنان الخلد ...

اللهم آمين

من طرف **صمت الكلام** الجمعة 14 أغسطس 2009, 11:16 am

اولا انا ماصدقت لما شفت العنوان واسمك يا انس
لكن الحمد لله طلعت بردوا انس المصرى
ومشكور عالموضوع الجميل والطرح المميز
اللهم ثبتنا على طاعتك وحسن عبادتك

من طرف **H@MDY10** الجمعة 14 أغسطس 2009, 3:49 pm

Thanks

من طرف **eng.TWINS*N&F** الجمعة 14 أغسطس 2009, 7:33 pm

ربنا يجزيك كل الخير يا انس على مجهودك وطرحك الطيب..
بصراحه انا بعرف ناس كده...كانوا ماتفوتهم ولا اغنيه جديده ومن جميع اللغات...وسبحان الله جاءهم الوقت ليتخلصوا منهم كلهم في القمامه اكرمكم الله...
وتابوا لله توبه نصوحه..واستبدلوهم باشرطه القران والادعيه والمحاضرات الهادفه..عسى الله يثبتهم ان شاء الله ويجعلنا من التائبين

صفقة

من طرف **Anas Hasan** السبت 15 أغسطس 2009, 12:47 am

جزاكم الله خير إخواننا على المرور وبارك الله فيكم

حصريا ألبوم عمرو دياب الجديد 2009 ادخل تحميل روابط مباشرة

حصريا ألبوم عمرو دياب الجديد 2009 ادخل تحميل روابط مباشرة

رد: حصريا ألبوم عمرو دياب الجديد 2009 ادخل تحميل روابط مباشرة

رد: حصريا ألبوم عمرو دياب الجديد 2009 ادخل تحميل روابط مباشرة

رد: حصريا ألبوم عمرو دياب الجديد 2009 ادخل تحميل روابط مباشرة

رد: حصريا ألبوم عمرو دياب الجديد 2009 ادخل تحميل روابط مباشرة